警員633：「老闆，一份廚師沙律。」
老闆：「又廚師沙律？每晚吃，不厭嗎？」
警員633：「買比人地食。」
老闆：「女朋友啊？佢鐘意廚師沙律啊？」
警員633：「買慣呀嘛，佢又無講佢唔鐘意食。」
老闆；「佢無講，但你又點知佢唔想試新野？炸魚薯條呀，好吃呀！」
警員633：「萬一佢唔鐘意食咁點？」
老闆：「咁你咪買一份廚師沙律，再買一份炸魚薯條囉？」
警員633：「哂錢嘛。」
老闆：「十幾廿蚊嘛，等佢有個選擇唔好咩？」
警員633：「好啦！一份廚師沙律。一份炸魚薯條。」
第二日晚上差不多同一時間，警員633來到午夜特快。
警員633：「老闆，一份炸魚薯條。」
老闆：「岩唔岩呀，我一早就話佢會鐘意嘛。」
警員633：「係嘛，唔鐘意食廚師沙律又唔講。」
老闆：「你又無比佢揀，有得揀，佢自然會講架喇。反正換口味，今晚試下pizza喇！」
警員633：「pizza？唔知佢鐘唔鐘意食。」
老闆：「都係果一招啦，一份炸魚薯條，一份pizza，比多幾十蚊嘛。」
又過了一天，警員又來到了午夜特快。
老闆：「怎麼樣？今晚要唔要試下新野呀，熱狗呀，熱狗唔錯呀！」
警員633：「唔使喇，比杯咖啡我。」
老闆：「嗯？你唔買宵夜比女朋友食嗱？」
警員633：「佢走左喇。」
老闆：「點解啊？」
警員633：「佢話想轉下口味，都岩啊，宵夜咁多選擇，何況係男朋友？好地地廚師沙律，換乜野炸魚薯條？」
老闆：「嘿，小事喇，佢唔換下口味又點知你係真材實料？遲早會返黎搵你既，你放心喇！」
